सेयर:

भर्खरै :

ताथलीका युवा माओवादी प्रवेश, ककसले गरे प्रवेश?    |    जात्रामा बाइककाे टिँटिँ, पुलिस, प्रशासनमात्र हैन, स्थानीय सरकार पनि माैन    |    १५ देखि ६९ वर्ष उमेर समूहका व्यक्तिद्वारा बढी धूमपान , दैनिक रू. आठ करोड ४० लाख चुरोटका खिल्ली सेवन    |    प्रअलाई कसले कर्तव्यबोध गराउने ?    |    चाँगुनारायण नगरपालिकाकाे अर्को महत्वपूर्ण कदम, स्वास्थ्य वीमामा ५० प्रतिशत अनुदान , टाेलटाेलमा खटिँदै बिमक    |    भक्तपुरको चुनदेवीमा माेटरसाइकल दुर्घटना, गिरी र ओेलीकाे मृत्यु    |    २०७८ सालकाे पहिलाे अपराध : गाई फार्ममा बोलाएर २० वर्षीय राईको हत्या    |    थिमिमा सिह्नजात्रा कि सिन्दुर जात्रा ?    |    २५ घन्टापछि ६ बजेर २५ मिनेटमा ठड्याइयाे ५५ हाते लिंगाे, जात्रालु खुसीले नाचे    |    भूपि शेरचनकाे नयाँ वर्ष    |   
साेम मिश्रद्वारा एमाले परित्याग , लागे ओलीकाे पक्षमा

साेम मिश्रद्वारा एमाले परित्याग , लागे ओलीकाे पक्षमा

काठमाडौँ, २६ चैत । नेकपा एमालेमा केन्द्रदेखी स्थानीय तहसम्म नै समानान्तर गतिविधि सञ्चालन गरिरहेका माधवकुमार नेपाल समूह खडेरी लाग्ने क्रम तिव्र बनेको छ । प्रायः दैनिक जसो एक पछि अर्को शक्तिशाली नेताले आफ्नो साथ छोड्दै गएपछि उक्त समूहमा कार्यकर्ता त रहने सम्भावना नरहेपनि नेता समेत नहुने प्रायः निश्चित जस्तै बनेको छ ।
एमालेलाई एक ढिक्का बनाई मुलुक र जनताको हितमा काम गर्नुपर्ने वर्तमान समयको माग र आवश्यकता रहेको औंल्याउँदै गुट र फुटले विकास र समृद्धिको सपना पुरा हुन नसक्ने भन्दै गुटगत गतिविधि सञ्चालन गरिरहेका माधव समूह परित्याग गरी पार्टी अध्यक्ष तथा प्रधानमन्त्री केपी ओलीको पक्षमा नेता तथा कार्यकर्ता खुलेर नै अगाडी बढ्न थालेका छन् । मिश्रले पार्टीका महासचिव इश्वर पोखरेल, अर्थमन्त्री विष्णु पौडेल, पूर्वमन्त्री तथा केन्द्रीय सदस्य महेश बस्नेतलगायत टोलीसँग छलफल गरी एमालेलाई एक ढिक्का बनाई अगाडी बढ्ने प्रतिबद्दतासहित माधव समूह परित्याग गरी अध्यक्ष ओली पक्षमा आएका हुन् ।
यसै क्रममा माधव समूहका एक विशेष व्यक्तिको रुपमा परिचित रहेका एमालेका केन्द्रीय सदस्य तथा भक्तपुर जिल्लाको चाँगुनारायण नगरपालिकाका प्रमुख सोमप्रसाद मिश्रले समेत माधव समूह परित्याग गरी अध्यक्ष ओली पक्षमा खुलेका छन् । माधव समूहले समानान्तर कमिटी गठन गर्दा प्रमुख मिश्रलाई जिल्ला इन्चार्जको जिम्मेवारी समेत दिइएको थियो । त्यसमा मेयर मिश्र असहमति प्रकट गरेका थिए । तत्कालिन समयमा एमाले र माओवादी केन्द्र एकिकृत भई बनेको नेकपा हुँदा समेत नगरप्रमुख मिश्र जिल्लाको सहइन्चार्जको रुपमा रहेका थिए ।
पार्टीभित्र चरम गुटवन्दी तथा समानान्तर गतिविधि गरेका कारण माधव समूहसँग असहमति जनाउँदै उनले ओली पक्षमा खुल्ने निर्णय गरेको उनी निकट स्रोतबाट बुझिएको छ । पार्टीलाई एक ढिक्का बनाई निर्वाचनको समयमा जनतासामू गरिएका प्रतिवद्धताहरुलाई पुरा गर्नुपर्नेमा जोड दिएका छन् । गुट र फुटले राजनीतिक भविष्य अन्धकार हुने भन्दै एकतावद्ध पार्टी निर्माणको अभियानमा लाग्नुपर्नेमा उनको जोड रहेको बताइएको छ ।
everestmission बाट

सेयर:

Leave a Reply

Your email address will not be published. Required fields are marked *