सेयर:

भर्खरै :

अमेरिका बस्ने नेपालीले गरे भक्तपुरलाई सहयाेग    |    असार पहिलो सातासम्म थपियाे निषेधाज्ञा, यी चार क्षेत्र भए खुला!    |    उपत्यकामा निषेधाज्ञा थपिने निश्चित, यस्ताे हुनेछ माेडालिटी    |    तलब वृद्धि थाेरै भएकाे भन्दै सरकारी कर्मचारी आन्दाेलित    |    चाँगुकाे २ नं वडामा सबैभन्दा बढी संक्रमित , कुन वडामा कति?    |    ख्वप अस्पतालप्रति जनताको सद्भावना प्रशंसनीय : बिजुक्छेँ    |    ताथलीकी एक महिला सम्पर्कविहीन, सौडोलमा सन्नाटा    |    ताथली सहकारीद्वारा भक्तपुरमा अक्सिजन प्लान्टका लागि आर्थिक सहयोग    |    झौखेलमा बन्ने प्रत्यारोपण केन्द्रप्रति बागेश्वरीवासीको असन्तुष्टि, मेयरले दिए यस्तो जवाफ !    |    पूर्व राजा ज्ञानेन्द्रले खोले मुख : देशको अवस्थाप्रति चिन्तित छु    |   
छैटौं एजे कप भलिबल प्रतियोगिता २०७६ को तयारी पूरा, खेल भोलिबाट

छैटौं एजे कप भलिबल प्रतियोगिता २०७६ को तयारी पूरा, खेल भोलिबाट

भक्तपुर ,२ फागुन । आदर्श ज्योति(एजे) सेकेण्डरी स्कुलको आयोजनामा फागुन ३ गतेबाट छैटौं विद्यालयस्तरीय भलिबल प्रतियोगिता हुने भएको छ ।

‘भलिबल खेलको प्रर्वद्धन गरौं’ भन्ने मूल ध्येयका साथ भलिबल खेलको नियमित प्रशिक्षण तथा प्रतियोगिता गरी राष्ट्रिय खेलाडीसमेत उत्पादन गर्न सफल विद्यालयले छैटौं आदर्श ज्योति(एजे) कप भलिबल प्रतियोगिता २०७६ को सम्पूर्ण तयारी सकिएको विद्यालयले जनाएको छ ।

आयोजक विद्यालयका अनुसार खेल फागुनको ३, ४ र ५ गते विद्यालय प्राङ्गणको चौरमा हुनेछ ।

प्रतियोगिता सम्बन्धी विद्यालयले आयोजना गरेको पत्रकार भेटघाटमा प्रतियोगिताका संयोजक एवं विद्यालयका खेलकुद इन्चार्ज तथा भलिबल खेलका राष्ट्रिय प्रशिक्षक/राष्ट्रिय रेफ्री रुकेश शाहीले स्पर्धामा काठमाडौं उपत्यकाका विद्यालयहरुअन्तर्गत छात्रतर्फ ८ र छात्रातर्फ ८ टीमको सहभागिता रहेको बताए ।

नेपाल भलिबल संघ र फेडेरेशन अफ इन्टरनेशल भलिबल (फिब) को नियमानुसार र लिग कम नकआउट प्रणालीबाट हुने स्पर्धामा छात्रतर्फ ९६ र छात्रातर्फ ९६ गरी कूल १९२ जना खेलाडीहरुको सहभागिता रहेको उनको भनाइ छ ।

प्रतियोगिताअन्तर्गत प्रथम, द्धितीय र तृतीय हुने विद्यालयलाई शिल्ड, मेडल, प्रमाणपत्रका साथै नगद पुरस्कारसमेतको व्यवस्था छ । नगद पुरस्कार अन्तर्गत प्रथम हुने टीमलाई नगद रु. १५,०००, द्धितीय हुने टीमलाई नगद रु. १०,००० र तृतीय हुने टीमलाई नगद रु. ७,००० प्रदान गरिने आयोजक विद्यालयका प्रिन्सिपल कृष्णराम दुवालले बताए ।

प्रतियोगितामा उत्कृष्ट स्पाइकर, उत्कृष्ट सेटर, उत्कृष्ट ब्लकर, उत्कृष्ट सर्भर, प्लेयर अफ दि टुर्नामेन्ट घोषणा गरी पुरस्कृत गर्ने समेत विद्यालयले जनाएको छ ।

सेयर:

Leave a Reply

Your email address will not be published. Required fields are marked *